വിക്ടേഴ്സില്‍ പ്രത്യേക പരിപാടി- നേര്‍ക്കാഴ്ചകള്‍

ഐടി@സ്കൂള്‍ വിക്ടേഴ്സില്‍ ഡോക്യുമെന്ററികളെ പരിചയപ്പെടുത്തുന്ന പരിപാടി നേര്‍ക്കാഴ്ചകള്‍ എല്ലാ ഞായറാഴ്ചയും ഉച്ചയ്ക്ക് 12.05 നും രാത്രി 8.35 നും സംപ്രേഷണം ചെയ്യുന്നു. വിദ്യാഭ്യാസം, സംഭവങ്ങള്‍, യുദ്ധങ്ങള്‍, പ്രകൃതി ദുരന്തങ്ങള്‍ തുടങ്ങി വ്യക്തിജീവിതങ്ങള്‍ വരെയുള്ള ലോക പ്രശസ്തമായ ഡോക്യുമെന്ററികളാണ് ഈ പരിപാടിയില്‍ പ്രശസ്ത ഡോക്യുമെന്ററി ഡയറക്ടര്‍ പി.ബാബുരാജ് അവതരിപ്പിക്കുന്നത്. കൂടെ ഡോക്യുമെന്ററി നിര്‍മ്മാതാക്കളുമായുള്ള അഭിമുഖവും ഉള്‍പ്പെടുത്തിയിരിക്കുന്നു. ജൂലൈ 22 ഞായറാഴ്ച സംപ്രേഷണം ചെയ്യുന്ന നേര്‍ക്കാഴ്ചയില്‍ ഡോക്യുമെന്ററി സംവിധാനകനും നിരൂപകനുമായിരുന്ന ശരത്ചന്ദ്രനെക്കുറിച്ച് റാസി സംവിധാനം ചെയ്ത പോരാട്ടങ്ങളുടെ മൂന്നാം കണ്ണ് (തേര്‍ഡ് ഐ ഓഫ് റസിസ്റന്‍സ്) എന്ന ഡോക്യുമെന്ററിയാണ് പരിചയപ്പെടുത്തുന്നത്. ജൂലൈ 24 ചൊവ്വാഴ്ച രാത്രി 9.30 ന് ഇതിന്റെ പുനഃസംപ്രേഷണം ഉണ്ടായിരിക്കുന്നതാണ്.