KSTU STATE CONFERENCE

2014 FEB. 23, 24, 25 KOZHIKKODE


Monday, 11 June 2012

പഠനം മുടങ്ങിയവര്‍ക്കു പത്താംക്ളാസ്സ് ജയിക്കാം


സ്കൂള്‍ പഠനം ഇടയ്ക്കു മുടങ്ങിയവര്‍ക്കും നവസാക്ഷരര്‍ക്കും പത്താംക്ളാസ്സ്  തുല്യതാപരീക്ഷ എഴുതാന്‍ സാക്ഷരതാമിഷന്‍ അവസരം നല്‍കുന്നു. ഒന്നേകാല്‍ലക്ഷം പേര്‍ക്ക് പദ്ധതിയുടെ ഗുണം കിട്ടിയിട്ടുണ്ട്. ഉപരിപഠനത്തിനും ഉദ്യാഗത്തിനും ഈ യോഗ്യത തുണയാകും.
ഏഴാം ക്ളാസ്സോ സാക്ഷരതാ മിഷന്റെ ഏഴാം ക്ളാസ്സ് തുല്യതാപരീ ക്ഷയോ ജയിച്ച, 17 വയസ്സു തികഞ്ഞവര്‍ക്ക് അപേക്ഷിക്കാം. ഉയര്‍ന്ന പ്രായപരിധിയില്ല. എട്ടിനും പത്തിനും ഇടയില്‍ പഠനം നിര്‍ത്തിയ വര്‍ക്കും പഴയ എസ്എസ്എല്‍സി തോറ്റവര്‍ക്കും എഴുതാം. സര്‍ക്കാര്‍ പരീക്ഷാബോര്‍ഡ് ഗ്രേഡിങ് രീതിയില്‍ സര്‍ട്ടിഫിക്കറ്റ് നല്‍കും. കോഴ്സ് ദൈര്‍ഘ്യം പത്തുമാസം. പത്തിലെ വിഷയമെല്ലാം പഠിക്കണം. മുതിര്‍ന്നവര്‍ക്ക് ഇണങ്ങുന്ന പാഠ്യക്രമം. എല്ലാ പൊതുഅവധി ദിവസവും സര്‍ക്കാര്‍/എയ്ഡഡ് സ്കൂളില്‍ സമ്പര്‍ക്ക ക്ളാസ്സുകള്‍. പുസ്തകമടക്കം കോഴ്സ് ഫീ 1500 രൂപ. പരീക്ഷാഫീ 300 രൂപ. പട്ടികവിഭാഗക്കാര്‍ക്ക് ഇളവുകിട്ടും. അപേക്ഷാഫോമും പ്രോസ്പെ ക്റ്റസും ഗ്രാമ/ബ്ലോക്ക്/ജില്ലാ പഞ്ചായത്ത്, മുനിസിപ്പല്‍, കോര്‍പറേ ഷന്‍ ഓഫിസിലെ തുടര്‍വിദ്യാകേന്ദ്രത്തില്‍ 100 രൂപയ്ക്കു കിട്ടും. സാക്ഷരതാമിഷന്‍ ജില്ലാ ഓഫിസിലും ഫോംവിതരണമുണ്ട്. 
www.literacymissionkerala.org      എന്ന വെബ്സൈറ്റില്‍ നിന്ന് ഡൌണ്‍ലോഡ് ചെയ്ത ഫോമാണ് അയയ്ക്കുന്നതെങ്കില്‍ 100 രൂപ അധികം അടയ്ക്കണം.  അപേക്ഷയോടൊപ്പമുള്ള ചെലാന്‍ പൂരിപ്പിച്ച് സ്റ്റേറ്റ് ബാങ്ക് ഓഫ് ട്രാവന്‍കൂര്‍ ശാഖകളില്‍ പണമടയ്ക്കാം. ചെലാന്റെ   KSLMA  കോപ്പി അപേക്ഷയോടൊപ്പം അയയ്ക്കണം. ജൂലൈ 31വരെ റജിസ്റ്റര്‍ ചെയ്യാം. 
സംശയപരിഹാരത്തിനു ഫോണ്‍: 0471 2322253. 

No comments:

Post a Comment