തിരുവനന്തപുരം: കുട്ടികള്‍ക്ക് നീന്തല്‍ പരിശീലനം നല്‍കുന്നതിന്റെ ഭാഗമായി സ്‌കൂളുകളില്‍ കൊണ്ടു നടക്കാവുന്ന നീന്തല്‍ക്കുളങ്ങള്‍ സജ്ജീകരിക്കുമെന്ന് മന്ത്രി കെ.ബി. ഗണേഷ്‌കുമാര്‍ പറഞ്ഞു. നിയമസഭയില്‍ ധനാഭ്യര്‍ഥന ചര്‍ച്ചയ്ക്ക് മറുപടി പറയുകയായിരുന്നു അദ്ദേഹം.
കോട്ടയത്ത് ചില സ്‌കൂളുകളില്‍ ഇത് തുടങ്ങിയിട്ടുണ്ട്. മറ്റു ജില്ലകളിലേക്കും കൂടി വ്യാപകമാക്കുന്നതിന്റെ ഭാഗമായി 1.20 കോടി രൂപയ്ക്ക് കൊണ്ടുനടക്കാവുന്ന അഞ്ച് നീന്തല്‍ക്കുളങ്ങള്‍ കൂടി വാങ്ങിയതായി അദ്ദേഹം പറഞ്ഞു. കമ്യൂണിറ്റി സ്‌പോര്‍ട്‌സിന് രണ്ടുകോടി മാറ്റിവെച്ചിട്ടുണ്ട്. ഇതിന്റെ ഭാഗമായി റസിഡന്‍ഷ്യല്‍ ഏരിയയില്‍ അഞ്ചുസെന്റ് സ്ഥലം നല്‍കിയാല്‍ ഫ്‌ളഡ്‌ലൈറ്റ് സൗകര്യമുള്ള ഷട്ടില്‍ സ്റ്റേഡിയം നിര്‍മിച്ചുകൊടുക്കും. 25 സെന്റ് സ്ഥലം നല്‍കുകയാണെങ്കില്‍ കുട്ടികള്‍ക്കായി ചില്‍ഡ്രന്‍സ് സ്‌പോര്‍ട്‌സ് പാര്‍ക്ക് നിര്‍മിച്ച് നല്‍കും - അദ്ദേഹം പറഞ്ഞു.
No comments:
Post a Comment