ഫറോക്ക്: സ്‌കൂളുകളില്‍ പാഠപുസ്തകങ്ങള്‍ക്ക് പകരം ടാബ്‌ലറ്റ്
പി.സി.കള്‍ സാര്‍വത്രികമാക്കുമെന്ന് വിദ്യാഭ്യാസമന്ത്രി പി.കെ. അബ്ദുറബ് പറഞ്ഞു.
ചാലിയം ക്രസന്റ് പബ്ലിക് സ്‌കൂളിലെ സ്മാര്‍ട്ട് ക്ലാസ്‌റൂം ഉദ്ഘാടനം ചെയ്ത്
പ്രസംഗിക്കുകയായിരുന്നു അദ്ദേഹം. നാലോ അഞ്ചോ വര്‍ഷംകൊണ്ട് സ്‌കൂളുകളിലെ
പഠനസമ്പ്രദായം ഈ രീതിയിലാക്കാനാകുമെന്നാണ് പ്രതീക്ഷ. വിദ്യാര്‍ഥികള്‍ക്ക് കുറഞ്ഞ
ചെലവില്‍ ഇത്തരം കമ്പ്യൂട്ടറുകള്‍ ലഭ്യമാക്കാന്‍ എം.എല്‍.എ, എം.പി, പി.ടി.എ.
ഫണ്ടുകള്‍ പ്രയോജനപ്പെടുത്തണം. പാഠപുസ്തകങ്ങള്‍ അച്ചടിക്കുന്നതിനുള്ള ഭാരിച്ച ചെലവ്
കുറയ്ക്കാനും ഇതിലൂടെ സാധിക്കും. സംസ്ഥാനത്തെ എല്ലാ സ്‌കൂളുകളിലും സ്മാര്‍ട്ട്
ക്ലാസുകള്‍ ആരംഭിക്കാനാണ് സര്‍ക്കാര്‍ ലക്ഷ്യമിടുന്നതെന്നും മന്ത്രി
പറഞ്ഞു.
No comments:
Post a Comment