KSTU STATE CONFERENCE

2014 FEB. 23, 24, 25 KOZHIKKODE


Sunday, 28 October 2012

കേന്ദ്ര മന്ത്രിസഭ: തരൂരും കൊടിക്കുന്നിലും ഉള്‍പ്പെടെ 22 മന്ത്രിമാര്‍ സത്യപ്രതിജ്ഞ ചെയ്തു

പുന:സംഘടന: തരൂരും കൊടിക്കുന്നിലും ഉള്‍പ്പെടെ 22 മന്ത്രിമാര്‍ സത്യപ്രതിജ്ഞ ചെയ്തു
ന്യൂദല്‍ഹി: കേരളത്തില്‍ നിന്നുള്ള രണ്ട് മന്ത്രിമാരെ കൂടി ഉള്‍പ്പെടുത്തി കേന്ദ്ര മന്ത്രിസഭ പുന:സംഘടിപ്പിച്ചു. സംസ്ഥാനത്ത് നിന്നുള്ള ശശി തരൂര്‍, കൊടിക്കുന്നില്‍ സുരേഷ് ഉള്‍പ്പെടെ 22 മന്ത്രിമാരാണ് രാഷ്ട്രപതിഭവനില്‍ രാവിലെ 11.30ന് നടന്ന പ്രൗഢ ഗംഭീരമായ ചടങ്ങില്‍ സത്യപ്രതിജ്ഞ ചെയ്ത് അധികാരമേറ്റത്. രാഷ്ട്രപതി പ്രണബ് മുഖര്‍ജി മന്ത്രിമാര്‍ക്ക് സത്യവാചകം ചൊല്ലികൊടുത്തു.
കെ.റഹ്മാന്‍ ഖാന്‍, ദിന്‍ഷാ പട്ടേല്‍, പള്ളം രാജു, അജയ് മാക്കന്‍, അശ്വിനി കുമാര്‍, ഹരീഷ് റാവത്ത്, ചന്ദ്രേഷ് കുമാരി കഠോജ് എന്നിവര്‍ ക്യാബിനറ്റ് ചുമതലയുള്ള മന്ത്രിമാരായി സത്യപ്രതിജ്ഞ ചെയ്തു. മനീഷ് തിവാരിയും ചിരജ്ഞീവിയും സ്വതന്ത്രചുമതലയുള്ള കേന്ദ്രസഹമന്ത്രിമാരായി ചുമതലയേറ്റു. ശശി തരൂര്‍, കൊടിക്കുന്നില്‍ സുരേഷ്, താരിഖ് അന്‍വര്‍, കോട്‌ല സൂര്യപ്രകാശ് റെഡ്ഡി, റാണ നാര, രഞ്ചന്‍ ചൗധരി, അബു ഹസന്‍ ഖാന്‍ ചൗധരി, സര്‍വ്വെ സത്യനാരായണ, നിനോംഗ് എറിംഗ്, ദീപ ദാസ്മുന്‍ഷി, ബോറിക ബല്‍റാം നായിക്, കിള്ളി കൃപറാണി, ലാല്‍ചന്ദ് കട്ടാരിയ എന്നിവര്‍ കേന്ദ്രസഹമന്ത്രിമാരായി സത്യപ്രതിജ്ഞ ചെയ്തു.

No comments:

Post a Comment