മാനസിക വെല്ലുവിളി നേരിടുന്നവരെ പരിശീലിപ്പിക്കുന്ന സ്പെഷ്യല് എജ്യൂക്കേറ്റര്മാര്ക്കായി ശില്പശാല നടത്തുന്നു. പൊതുവിദ്യാഭ്യാസ വകുപ്പിനുകീഴില് തിരുവനന്തപുരം പാങ്ങപ്പാറയില് സി.എച്ച്.മുഹമ്മദ്കോയ മെമ്മോറിയല് സ്റേറ്റ് ഇന്സ്റിറ്റ്യൂട്ട് ഫോര് ദി മെന്റലീ ചാലഞ്ച്ഡ് (എസ്.ഐ.എം.സി.) ന്റെ നേതൃത്വത്തിലാണ് ശില്പശാല. മാനസിക വെല്ലുവിളികള് നേരിടുന്നവര്ക്കായുള്ള സ്കൂളുകളിലെ 100 സ്പെഷ്യല് എഡ്യൂക്കേറ്റര്മാര്
ഒക്ടോബര് 18, 19, 20 തീയതികളില് തിരുവനന്തപുരം ശ്രീകാര്യത്തുളള മറിയാറാണി സെന്ററില് ശില്പശാലയില് പങ്കെടുക്കും. സ്പെഷ്യല് എഡ്യൂക്കേഷന് മേഖലയില് അന്തര്ദേശീയ പ്രശസ്തനായ വിദഗ്ധനും മാനസിക വെല്ലുവിളികളുളളവര്ക്കായി ഇന്ത്യയിലെ ആദ്യത്തെ ശാസ്ത്രീയ വിദ്യാഭ്യാസ പദ്ധതിയായ മദ്രാസ് ഡവലപ്പ്മെന്റ് ആന്റ് പ്രോഗ്രാമിങ് സിസ്റം (എം.ഡി.പി.എസ്) തയ്യാറാക്കിയ പ്രൊഫസര് പി.ജയചന്ദ്രനാണ്, മൂന്നു ദിവസത്തെ ശില്പശാല നയിക്കുന്നത്. വ്യക്ത്യാതിഷ്ഠിത വിദ്യാഭ്യാസ പദ്ധതിയും യോഗയും എന്നതാണ് ശിലപശാലയില് അവതരിപ്പിക്കുന്ന മുഖ്യവിഷയം. ശില്പശാലയുടെ ഔപചാരിക ഉദ്ഘാടനം വിദ്യാഭ്യാസ വകുപ്പു മന്ത്രി പി.കെ.അബ്ദുറബ്ബ് രാവിലെ പത്ത് മണിക്ക് നിര്വ്വഹിക്കും.
No comments:
Post a Comment