സ്കൂള് അധ്യാപകര്ക്ക് അടുത്ത അധ്യയനവര്ഷം 60 ദിവസം പരിശീലനം നല്കാന് ക്യുഐപി മോണിറ്ററിങ് കമ്മിറ്റി യോഗം തീരുമാനിച്ചു. ഈ അധ്യയന വര്ഷം നടത്തേണ്ടിയിരുന്ന രണ്ടു ക്ലസ്റ്റര് യോഗങ്ങളും റദ്ദാക്കി.മധ്യവേനലവധിക്കാലത്ത് 10 ദിവസം പരിശീലനം നടത്തുമെങ്കിലും താല്പര്യമുള്ള അധ്യാപകര് മാത്രം പങ്കെടുത്താല് മതി. പങ്കെടുക്കുന്നവര്ക്കു ലീവ് സറണ്ടര് ലഭിക്കില്ല. പകരം 10 ദിവസം അവധി നല്കും. 10, 20, 5, 20, 5 ദിവസങ്ങള് വീതമുള്ള അഞ്ചു ഘട്ടങ്ങളായി പരിശീലനം നടത്തണമെന്നാണു നിര്ദേശമെങ്കിലും . അന്തിമ തീരുമാനമെടുത്തിട്ടില്ല. പരിശീലനം എങ്ങനെയായിരിക്കുമെന്ന് 24നകം അധ്യാപക സംഘടനകളെ അറിയിക്കാനും തുടര്ന്ന് തീരുമാനമെടുക്കാനുമാണ് ഉദ്ദേശിക്കുന്നത്. ആകെയുള്ള 1,60,000 അധ്യാപകര്ക്കും പരിശീലനം നല്കും. 300 കേന്ദ്രങ്ങളിലായി 40 പേര്ക്കു വീതമായിരിക്കും ഒരു ഘട്ടത്തില് പരിശീലനം. ഈ സാഹചര്യത്തില് വര്ഷം മുഴുവന് പരിശീലനം നീളും. അധ്യാപകര് പരിശീലനത്തിനു പോകുന്ന സമയത്ത് അധ്യാപക പാക്കേജിലുള്ള അധ്യാപകരായിരിക്കും സ്കൂളുകളില് പകരം ക്ലാസ് എടുക്കുക. പരിശീലനം നല്കേണ്ട ഏജന്സിയുടെ കാര്യത്തിലും തീരുമാനമായിട്ടില്ല.പത്താം ക്ലാസ് കുട്ടികളുടെ പരീക്ഷാ ഫീസ് തുടര്ന്നും പിരിക്കും. വിദ്യാഭ്യാസ അവകാശ നിയമം നടപ്പാക്കിയതിനെ തുടര്ന്ന് പരീക്ഷാ ഫീസ് പാടിലെ്ലന്ന തെറ്റിദ്ധാരണയുണ്ടായിരുന്നു. എന്നാല്, എട്ടാംക്ലാസ് വരെയാണ് ഇതു ബാധകമെന്നു വ്യക്തമായ സാഹചര്യത്തിലാണ് 9,10 ക്ലാസുകളിലെ ഫീസ് പിരിക്കുന്നത്. എസ്എസ്എല്സി മോഡല് പരീക്ഷ ഫെബ്രുവരി 13 മുതല് 21 വരെയും എസ്എസ്എല്സി പരീക്ഷ മാര്ച്ച് 12 മുതലും നടത്തുന്നതിന്റെ തയാറെടുപ്പുകള് യോഗം വിലയിരുത്തി.പൊതുവിദ്യാഭ്യാസ സെക്രട്ടറി എം. ശിവശങ്കര്, പൊതുവിദ്യാഭ്യാസ ഡയറക്ടര് എ. ഷാജഹാന്,അധ്യാപക നേതാക്കളായ വി.കെ. മൂസ, ഹരിഗോവിന്ദന്, കെ.എം. സുകുമാരന്, പി.കെ. കൃഷ്ണദാസ്, സിറിയക് കാവില്, കെ. മോയിന്കുട്ടി, ജെ. ശശി, ഇ. ഇമാമുദീന്, പി.ജെ. ജോസ്, തുടങ്ങിയവര് പങ്കെടുത്തു
No comments:
Post a Comment